KITCHEN AREA

ABOUT US

Taż-Żgħar hu razzett antik li jilqgħek fil-qalba tar-raħal kwiet tan-Nadur. Ġie rinovat b’imħabba biex joffri post ta’ rilassament bi kmamar arjużi u mdawla. Isfel isib kċina b’dak kollu li tista tiġi bżonn kif ukoll post fejn tgħaddi l-ħin inkluż is-servizz tal-WiFi u televiżjoni LED 40’’

Pjanta

Taż-Żgħar joffri erba’ kmamar tas-sodda li tnejn minnhom għandhom terazzin iħares għal fuq il-bitħa u l-pixxina. Tliet kmamar en-suite b’showers joffru kumdità għall-familja kollha b’hekk jiġu evitati argumenti ma’ min forsi jdum xi ftit iżżejjed! Taż-Żgħar tinsab ftit metri ’l bogħod mill-Maxokk, forn li żgur m’għandu bżonn tal-ebda introduzzjoni mal-Maltin u l-Għawdxin.

Annimali

Aħna nħobbu l-annimali u għalhekk nieħdu gost jekk iġġibu l-annimali domestiċi tagħkom. Lanqas se nħallukom titgħabbew iż-żejjed għax fil-post ser issibu reċipjenti għall-ikel u l-ilma biex l-annimali tagħkom jieħdu gost ukoll waqt il-vakanza.

Kċina spazzjuża u salott

Kmamar tas-sodda kbar en-suite

Bitħa, Pool u BBQ

IMG_20190419_221726
IMG_20190326_153739
IMG_20190419_193431
carnival
nadur balcony
ramla w

Il-madwar u l-ħajja tar-raħal

Il-villaġġ tan-Nadur jinsab fuq in-naħa tal-Lvant ta’ Għawdex, 2.5 kilometri ’l bogħod mix-xatt tal-Imġarr. In-Nadur joffri veduti kważi ta’ Għawdex kollu filwaqt li fil-madwar hemm attrazzjonijiet naturali u arkitettoniċi. Il-Knisja Parrokkjali toffri ħjiel tal-kburija tan-Nadurin billi toffri attrazzjoni mill-isbaħ bid-dekorazzjonijiet barokki tagħha. Binjiet oħra madwar ir-raħal jagħtu karattru uniku lil dan ir-raħal kwiet u seren.

Siti naturali u uniċi fin-Nadur huma l-bajjiet mill-isbaħ tar-Ramla, San Blas u Daħlet Qorrot li jinsabu biss 2 kilometri ’l bogħod miċ-ċentru. Il-widien imħaddra li jwasslu għal dawn il-ġojjelli naturali joffru possibiltajiet ta’ passiġġati qalb il-kampanja. L-Għar tal-Mixta joffri veduti meraviljużi tar-Ramla, waħda mill-isbaħ li tista’ tgawdi fil-gżejjer Maltin.

In-Nadur għandu tliet avvenimenti importanti matul is-sena. L-akbar fosthom hi l-festa titulari ta’ San Pietru u San Pawl – L-Imnarja. Ġimgħa ta' attivitajiet iwasslu sa jum il-festa fid-29 ta’ Ġunju. Iċ-ċerimonji fil-Knisja, it-tiżjin u l-marċi brijużi flimkien mal-logħob tan-nar huma l-karatteristiċi ewlenin tal-festa.

Il-karnival spontanju tan-Nadur illum hu magħruf mad-dinja kollha. Numru kbir ta’ żgħażagħ u kbar jieħdu sehem bl-aktar kostumi oriġinali u strambi li wieħed jista jimmaġina. Din l-attivita’ tiġbed eluf ta' nies lejn il-gżira Għawdxija.

Wara l-karnival in-Nadur jilbes il-libsa reliġjuża biċ-ċelebrazzjoni tal-Ġimgħa Mqaddsa permezz ta’ purċissjoni bil-vari u s-sehem ta’ diversi persuni jirrappreżentaw personaġġi bibliċi.